Donika Gërvalla, e bija e heroit të kombit, Jusuf Gërvalla, iu është drejtuar deputetëve të Kuvendit të Kosovës përmes një postimi në facebook.
Ajo u ka kujtuar betimin e dhënë, duke porositur që pazaret e politikës janë afatshkurtëra.
"Secili deputet i ulur sot në sallën e Kuvendit ka bërë këtë betim: “Unë, deputet i Kuvendit të Republikës së Kosovës, betohem se me nder e me përkushtim do ta kryej detyrën time dhe do ta përfaqësoj me dinjitet popullin, do të punoj në interes të Kosovës dhe të gjithë qytetarëve të saj, do të angazhohem për mbrojtjen dhe për respektimin e kushtetutshmërisë dhe të ligjshmërisë, për mbrojtjen e tërësisë territoriale dhe të integritetit institucional të Kosovës, për garantimin e lirive dhe të drejtave të njeriut, në përputhje me ligjet e vendit dhe me standardet evropiane.” Betohem! Pazaret e politikës ditore janë jetëshkurtra, kujtesa jonë e gjatë“, përcjellë “Bota sot”.
