Deputeti nga Alternativa, Ilir Deda, përmes një postimi në facebook, ka reaguar për seancën e nesërme të Kuvendit të Kosovës, ku pritet të votohet marrëveshja për demarkacion.
“Në prag të mbajtjes së seancës së Kuvendit për demarkacion, Qeveria e ka sjellë projektligjin KONTRADIKTOR për ratifikim, sepse përmban:
1. Marrëveshjen e 2015;
2. Raportin e Komisionit Shtetëror të udhëhequr nga Shpejtim Bulliqaj që thotë që marrëveshja e 2015 është vepër penale dhe e cenon integritetin territorial të Kosovës; dhe
3) Deklaratën e Kosovës dhe Malit të Zi, juridikisht e obligueshme për të dy shteter, e obligon Trupin e Përbashkët Punues që ta korrektojë kufirin në drejtim të Çakorrit dhe Kullës së Zhlepit, pasi të ratifikohet marrëveshja e 2015 (deklaratë që pranon që marrëveshja për demarkacion e 2015 është bërë gabim në këto dy pika).
Dmth para deputetëve vjen projektligj që mund të përmblidhet kështu: demarkacioni është vepër penale, që është bërë mirë, e që do të rishikohet sepse është bërë gabim.
A jeni more në tokë të bukës?”, ka shkruar Deda, përcjellë ”Bota sot”.