Nisma Socialdemokrate ka njoftuar se nesër në seancën e jashtëzakonshme, ku do të votohet projektligji për demarkacionin me Malin e Zi, pas arritjes së aneks-marrëveshjes mes dy vendeve, deputetët e Nismës Socialdemokrate do të votojnë pro këtij projektligji.
Njoftimi i Nismës Socialdemokrate:
Kryesia Qendrore e NISMËS Socialdemokrate ka mbajtur mbledhjen e radhës, ku u bisedua për zhvillimet aktuale politike në vend.
Në mbledhjen e sotme, me theks të veçantë u diskutua për Aneks-marrëveshjen mes dy vendeve Kosovë-Mali i Zi, e cila i hap dyert ratifikimit të marrëveshjes së demarkacionit me Malin e Zi, si një ndër kushtet e fundit të BE-së për liberalizimine vizave.
Kryetari Limaj në këtë takim tha se është momenti i fundit për t'i dhënë epilog kësaj çështje, përmes votimit të saj në Parlament.
Kryesia Qëndrore e NISMA-s i dha përkrahje kësaj iniciative, duke marrë vendim për të votuar pro ratifikimit të marrëveshjes në seancën e nesërme të Kuvendit e Republikës së Kosovës.
Nesër, në seancën e jashtëzakonshme, ku do të votohet projektligji për Demarkacionin me Malin e Zi, pas arritjes së Aneks-marrëveshjes mes dy vendeve, deputetët e NISMËS Socialdemokrate do të votojnë pro këtij projektligji.
NISMA Socialdemokrate kërkon nga të gjithë deputetët e Kuvendit të Republikës së Kosovës të votojnë pro, në mënyrë që të ratifikohet ky projektligj, i cili është në interes të vendit dhe qytetarëve të Republikës së Kosovës.