Me kërkesë të ministrit të Punëve të Brendshme Flamur Sefaj raportimi i tij në Komisionin për Punë të Brendshme dhe Siguri të bëhet pa medie në pjesë ku konsiderohet si pjesë e hetimeve.
“Mirë do të ishte që krejt raporti bëhet i mbyllur”, tha Sefaj.
Kryetari i Komisionit Haxhi Shala është pajtuar me kërkesën e ministrit, sipas të cilit është e drejtë.
Edhe Rexhep Selimi ka thënë se raportimi të bëhet në dy pjesë, një pjesë për medie dhe një pjesë e mbyllur.
”Çështja është mjaft delikate dhe mund të ketë interferime. Por për të pasur një raportim të mirëfilltë, do të ishte mirë të bëhet e mbyllur. Unë kam kërkuar me shkrim që të jetë e mbyllur. Ju mund të vendosni për këtë”, ka thënë ministri Sefaj.
