Thaçi: SHBA, rol përcaktues në lirinë dhe pavarësinë e Kosovës

Aktuale

Thaçi: SHBA, rol përcaktues në lirinë dhe pavarësinë e Kosovës

Më: 19 shkurt 2018 Në ora: 18:03
Hashim Thaçi dhe Ron Johnson

Presidenti i Kosovës, Hashim Thaçi, priti sot në takim senatorin amerikan, Ron Johnson, të cilin e ka falënderuar për mesazhet dhe urimet për 10 vjetorin e pavarësisë.

“Jemi mirënjohës për mbështetjen e vazhdueshme të SHBA-së, e cila ka qenë përcaktuese për lirinë dhe pavarësinë e Kosovës. Mesazhet dhe urimet e presidentit Trump janë inkurajuese, për të punuar edhe më shumë”, ka thënë  Thaçi.

Ai e ka informuar senatorin Johnson për konsensusin e krijuar lidhur me ratifikimin e marrëveshjes për shënimin e vijës kufitare me Malin e Zi, për procesin e normalizimit të marrëdhënieve ndërmjet Kosovës dhe Serbisë si dhe për domosdoshmërinë e transformimit të FSK-së në ushtri të Kosovës.

Presidenti ka kërkuar mbështetjen e SHBA-së për këto tema, në mënyrë që këto procese të kenë sukses.

Nga ana tjetër senatori Johnson ka ofruar mbështetjen e plotë në të gjitha fushat për Kosovën.

Presidenti në fund ka thënë SHBA-të janë partneri më i rëndësishëm i Kosovës dhe miku më i madh i popullit te Kosovës, thuhet në një komunikatë për media të Zyrës së Presidentit.

commentFirst article
Sot mund të lexoni Shfletoni kopertinat