Zëvendëskryeministri i parë i Kosovës, Behgjet Pacolli, ka takuar sot ambasadorin e Omanit në Londër, Sheik Abdulaziz bin Abdullah bin Zahiri Al-Hinai, me të cilin ka biseduar për intensifikimin e marrëdhënieve ekonomike.
“Pranova urimet e Sulltanit të Omanit për dhjetëvjetorin e pavarësisë dhe gatishmërinë e këtij shteti për të intensifikuar marrëdhëniet ekonomike dhe ato qeveritare. I kërkova diplomatit të Sulltanatit të Omanit, që bashkëpunimi mes dy vendeve të arrijë një nivel më të lartë, duke filluar me vendosjen e marrëdhënieve diplomatike”, shkruan Pacolli në Facebook.
