Pishtari i publicistikës dhe gazetarisë moderne, Dr. Llukman Halili, ka reaguar pas ndarjes së çmimeve presidenciale nga presidenti i Kosovës Hashim Thaçi.
Ky i fundit, dy ditë më parë ka dekoruar një sërë personalitetesh me Medalje Presidenciale në 10-të Vjetorin e Pavarësisë së vendit.
Në mesin e shumë personaliteteve që ka dekoruar Thaçi, gjenden edhe shokët e tij të luftës si Xhavit Haliti, Azem Syla e Kadri Veseli.
Por, Thaçi nuk ka nderuar me medalje edhe gazetën kombëtare “Bota sot”, për kontributin e saj për ndërtimin e shtetit.
E Halili, përmes një postimi në Facebook, ka thënë se gazeta “Bota sot” në Cyrih, Nju Jork dhe Prishtinë, është krenare që nuk u gjend në listat e shtabit të krimit dhe të turpit, përcjell Bota sot.
“Në këtë 10-vjetor- Bota sot Zurich - New York – Prishtinë, krenare me Kosovën, krenare me të vërtetën dhe shumë krenare që s’u gjend në listat e shtabit të krimit dhe turpit…”, ka shkruar Llukman Halili në Facebook./BS