Kryeministri i Kosovës Ramush Haradinaj, i ka reaguar ashpër homologut të tij shqiptar Edi Rama, i cili sonte ka thënë se problematika rreth demarkacionit u shpik nga politika e brendshme e Kosovës.
Haradinaj përmes një postimi në Facebook, ka thënë se Rama nuk ka çfarë të flasë për shpikjet politike në Kosovë, por ai sipas tij, duhet të merret me “shpikjet e veta brenda Shqipërisë se i dalin boll”, përcjell Bota sot.
“Urime pavarësia e Kosovës të gjithë shqiptarëve. Edi Rama nuk ka çfarë të flasë për shpikjet politike në Kosovë! Le të merret me shpikjet e veta brenda Shqipërisë se i dalin boll”, ka thënë Haradinaj.