Zbulohen detajet e takimit Thaçi-Markovic

Aktuale

Zbulohen detajet e takimit Thaçi-Markovic

Më: 15 shkurt 2018 Në ora: 10:00
Dushko Markoviq dhe Hashim Thaçi

(E plotësuar) - Presidenti i Republikës së Kosovës, Hashim Thaçi, ka pritur sot në takim Kryeministrin e Republikës së Malit të Zi, Dushko Markovic, të cilin e ka falënderuar për mbështetjen e Malit të Zi për Kosovën dhe për vizitën e tij në prag të dhjetëvjetorit të pavarësisë.

Presidenti Thaçi dhe kryeministri Markovic kanë biseduar për marrëdhëniet bilaterale, gjendjen aktuale politike në rajon dhe për perspektivën evropiane.

Presidenti Thaçi ka theksuar se marrëdhëniet ndërmjet dy shteteve janë të shkëlqyeshme, duke kërkuar zgjerimin e tyre edhe në fushën e ekonomisë, arsimit dhe kulturës.

Në këtë takim është biseduar edhe për domosdoshmërinë e ratifikimit të shpejt të marrëveshjes ndërmjet Kosovës dhe Malit të Zi për shënimin e vijës kufitare.

“Ftoj për një unitet politik në Kosovë për të ratifikuar marrëveshjen e demarkacionit me Malin e Zi, për t’i hapur rrugë liberalizmit të vizave. Kjo do të ishte dhurata më e bukur për qytetarët e Kosovës në këtë dhjetëvjetor të pavarësisë”, ka thënë presidenti Thaçi.

Nga ana tjetër, Kryeministri i Republikës së Malit të Zi, Dushko Markovic, ka theksuar se Mali i Zi do të vazhdojë mbështetjen për Kosovën dhe do ta thellojë edhe më shumë bashkëpunimin ndërshtetëror.

“Do të bashkëpunojmë ngushtë që t’i realizojmë interesat tona të përbashkët, të anëtarësimit në BE”, u shpreh kryeministri Markovic.

Presidenti Thaçi ka theksuar se anëtarësimi i Malit të Zi në NATO do të kontribuojë në paqen dhe stabilitetin afatgjatë në Ballkan.

Image

Thaçi: Vizita e kryeministrit malazez konfirmon partneritetin në mes dy vendeve

Presidenti  i Kosovës, Hashim Thaçi është takuar me kryeministrin e Malit të Zi, Dushko Markoviq.

Në fillim të këtij takimi, Thaçi e ka falënderuar kryeministrin malazez për vizitën e tij.

“Vizita e kryeministrit të Malit të Zi në prag të 10 vjetorit të pavarësisë tregon për partneritetin në mes dy shteteve”, ka thënë Thaçi.

Takimi po vazhdon me dyer të mbyllura.

Presidenti i Kosovës, Hashim Thaçi është takuar me kryeministrin e Malit të Zi, Dushko Markoviq, me të cilin do të ketë edhe konferencë për media.

Markoviq është takuar sot edhe me kryetarin e Kuvendit, Kadri Veseli, ndërsa, dje me kryeministrin Ramush Haradinaj. Në këtë takim, ai tha se çështja e marrëveshjes për demarkacionin, është diçka e kryer për Malin e ZI, por si vend mik është i interesuar ta ndihmojë Kosovën për miratimin e marrëveshjes në Kuvendin e Kosovës.

commentFirst article
Sot mund të lexoni Shfletoni kopertinat