Ministri i Punëve të Jashtme të Gjermanisë, Sigmar Gabriel po qëndron për vizitë në Kosovë, ku është pritur nga krerët e shtetit.
Pas përfundimit të takimeve që pati dje, ai në mbrëmje ishte mysafir i zëvendëskryeministrit, Behgjet Pacolli.
Ai në një postim në Facebook ka shkruar se me ministrin gjerman biseduan për demarkacionin, vizat dhe veriun.
“Kënaqësi të kam sonte për darkë, në shtëpinë time, ministrin e punëve të Jashtëm të Gjermanisë Dr. Sigmar Gabriel. Gjermania është një nga aleatët dhe përkrahësit tanë më të mëdhenj. Temat e diskutimit ishin mes tjerash Shtetndërtimi i Kosovës, perspektiva Euro-Atlantike, Liberalizimi i vizave, veriu i Kosovës si dhe çështja e demarkacionit të cilën kërkojnë të zgjidhim sa më parë”, ka shkruar Pacolli.