Ish-mjeku i UÇK-së, Liri Loshi, i cili ka qenë si dëshmitarë në Hagë, për masakrën në Izbicë, kundër kriminelit Millosheviq, pemës një postimi në facebook, ka komentuar zhvillimet e fundit sa i përket demarkacionit.
Sipas tij, ideja Fatmir Limajt sa i përket demarkacionit është e njëjtë me atë të Thaçit e Mustafës.
“Ideja e tashme e Fatmir Limajt është ideja e Hashim Thaçit dhe Isa Mustafës. Idenë e Ramushit, të Fatmirit dhe të Albinit ne e kemi parë me kohë dhe ajo ka qenë që ky variant i Murat Mehës për Demarkacionin të mos kalojë në asnjë mënyrë. Qeveria Haradinaj madje ka shkarkuar Komisionin Meha dhe ka emëruar komisionin e ri qeveritar në krye me “disidentin” e LDK-së folk-patriotin Shpëtim Buliqi për ta hartuar versionin e ri. Ai version nuk kalon”, ka shkruar në faqen e tij Liri Loshi, përcjellë “Bota sot”.
Ja postimi i plotë:
“IDEJA” E FATMIR LIMAJT
“Idenë e Fatmir Limajt për Demarkacionin po e përkrahin ndërkombëtarët”, shkruajnë portalet! Normalisht se ndërkombëtarët përkrahin ratifikimin e Marrëveshjes për Demarkacionin e që është varianti i qeverisë së Isa Mustafës. Ideja e tashme e Fatmir Limajt është ideja e Hashim Thaçit dhe Isa Mustafës. Idenë e Ramushit, të Fatmirit dhe të Albinit ne e kemi parë me kohë dhe ajo ka qenë që ky variant i Murat Mehës për Demarkacionin të mos kalojë në asnjë mënyrë. Qeveria Haradinaj madje ka shkarkuar Komisionin Meha dhe ka emëruar komisionin e ri qeveritar në krye me “disidentin” e LDK-së folk-patriotin Shpëtim Buliqi për ta hartuar versionin e ri. Ai version nuk kalon. Tash për çfarë ideje bëhet fjalë? Për idenë e vesë të b...a. Si ide mund të qëndrojë vetëm me qëllim të arritjes se unitetit politik për ratifikim të këtij dokumenti e të cilin e përkrah çdo njeri normal që ia don të mirën Kosovës. E përkrah edhe bashkësia ndërkombëtare. Por, përtej të qenit ide unifikimi, kjo është taktikë e pehlivanizmit politik për të ndejtë në pushtet dhe për t’i ikur ndëshkimit. Populli nuk duhet t’i shpërblejë mashtruesit. Ai duhet t’i ndëshkojë ata.
