Zëvendëskryeministri i Kosovës, Enver Hoxhaj, ka thënë se Serbia ka intensifikuar agjendën e saj kundër Kosovës në prag të dhjetë vjetorit të pavarësisë.
Madje ai ka thënë se lajmet për ndarje territori apo ndryshim kufijsh janë kampanjë kundër Kosovës dhe të ardhmes Euro-Atlantike të rajonit.
“Serbia po intensifikon agjendën me propaganda dhe sulme kundër Kosovës në cep të dhjetë vjetorit të pavarësisë”.
“Lajmet e rreme dhe kërcënimet e ndryshme rreth ndarjes së territorit dhe ndryshimit të kufijve janë kampanjë sistematike kundër Kosovës dhe të ardhmes Euro-Atlantike të rajonit”, ka shkruar Hoxhaj në Twitter.