Deputeti i Vetëvendosjes, Salih Zyba ka reaguar pas votimit të rekomandimeve të dala nga debati i djeshëm për aktivistët e kësaj partie të cilët u dënuan për sulmin në kuvend.
“Përveç mungesës së të gjithë deputetëve të LDK-së, është për keqardhje se si ka edhe deputetë “të zëshëm” nga Lëvizja VETËVENDOSJE! që munguan në votimin për rekomandimet tona për rastin e dënimit të padrejtë të aktivistëve tanë”, ka shkruar Zyba në Facebook.
Por, ai ka thënë që e rëndësishme është që rekomandimet u miratuan.
Sot në vazhdimin e seancës së Kuvendit të Kosovës u miratuan propozim-rekomandimet e Sami Kurteshit në emër të Lëvizjes Vetëvendosje për aktivistët e dënuar të këtij subjekti politik.
Pro këtyre propozim-rekomandimeve votuan 40 deputetë, 10 ishin kundër, e 13 abstenuan.