Përmes zyrës së EULEX-it në Beograd, Kosova i ka dorëzuar Ministrisë serbe të Drejtësisë dokumentacionin për vrasjen e Oliver Ivanoviqit, shkruajnë mediat serbe.
Dokumentacioni përmban raportin e autopsisë dhe atë të hetimit, dhe pritet t’i dorëzohet Prokurorisë për Krim të Organizuar, ka njoftuar sot Ministria serbe e Drejtësisë.
Prokuroria për Krim të Organizuar kishte kërkuar në ditën e vrasjes së Oliver Ivanoviqit në pjesën veriore të Mitrovicës, që autoritetet kosovare t’ua dorëzojnë një kopje të raportit të hetimit, skicat nga vendi i krimit dhe të gjitha të dhënat tjera që mund të ndihmojnë në ndriçimin e kësaj vrasje.
