Deputetja e LDK-së, Valentina Bunjaku dhe Arbërie Nagavci nga Lëvizja Vetëvendosje e kanë lëshuar mbledhjen e Komisionit për Arsim pas debateve që kanë pasur me Teuta Haxhiun e cila e ka kryesuar sot këtë komisionin.
Haxhiu iu ka kërkuar dy deputetëvev që të mos dalin me tema nga rendi i ditës, ndërkohë që ato insistuan se janë brenda rendit të ditës.
Në këtë komision paraprakisht ka raportuar ministri i Arsimit, Shyqiri Bytyqi i cili ka thënë se lajmi për mbylljen e Universiteteve Publike është keqinterpretuar nga mediat.
Ai ka potencuar se nuk do të ketë mbyllje të Universiteteve, por ka kërkuar riorganizim.