Zyra e kryeministrit pranon se Britania ende s’i ka dhënë vizë Haradinajt

Aktuale

Zyra e kryeministrit pranon se Britania ende s’i ka dhënë vizë Haradinajt

Më: 27 janar 2018 Në ora: 15:28
Ramush Haradinaj

Zyra për Informim e Qeverisë së Kosovës ka pranuar se kryeministrit Ramush Haradinaj ende nuk i është dhënë viza për në Mbretërinë e Bashkuar, ashtu siç u raportua sot në media. 

Në një reagim të Zyrës së Kryeministrit thuhet se Ramush Haradinajt nuk i është refuzuar viza nga Ambasada Britanike.

Tutje aty theksohet se kryeministri ka aplikuar për vizë para disa ditësh dhe ende nuk ka marrë përgjigje, pasi ende është në procedurë të pritjes.

“Kryeministri ka aplikuar për vizë para disa ditësh dhe është në procedurë. Ende nuk ka përgjigje. Me kohë do të jepen detaje për vizitën, sepse tani është herët, derisa për atë qe është shkruar, edhe njëherë po u themi që Kryeministrit Haradinaj, nuk i është refuzuar viza,” thuhet përgjigjen e Qeverisë.

Të shtunën mediat kanë raportuar se Britania e Madhe nuk e ka pajisur ende me vizë kryeministrin Haradinaj, i cili ka marrë ftesë nga BERZH-i për të qenë në Londër më 26 shkurt, në Samitin e Investimeve të Ballkanit Perëndimor.

Kujtojmë se rreth dy javë më parë, edhe Ambasada Amerikane refuzoi t’i japë vizë Haradinajt, duke ia pamundësuan një aktivitet në shtetin e Lowa-s.

commentFirst article
Sot mund të lexoni Shfletoni kopertinat