Zyrtari i LDK-së, Bajram Gecaj në 12 vjetorin e vdekjes së Presidentit Ibrahim Rugova, ka thënë se duhet një kohë e gjatë që Kosova të gjeneroj një lider të paprecedan siç ishte Presidenti Rugova.
“Presidenti Rugova ishte dhe do të mbetet përherë simboli i lirisë dhe pavarësisë së Republikës së Kosovës. Aftësia e një populli për të gjeneruar lider të fuqishëm e të denjë është e palimituar, megjithatë, unë besoj se popullit tonë do t’i duhet një kohë e gjatë të gjeneroi një lider të paprecedan siç e kishim Dr. Ibrahim Rugoven”, thotë Gecaj për “Bota sot”.
