Në orën 19:00 në të gjitha vendvotimet në Istog ka përfunduar procesi i rivotimit.
Qytetarët e komunës së Istogut votojnë sot për kryetarin e tyre. Në garë janë Haki Rugova dhe Gani Dreshaj i AAK-së.
Votimi i sotëm është përsëritje e balotazhit të 19 nëntorit.
Në votimet e rrethit të parë, Rugova e Dreshaj kishin marrë më së shumti vota, por jo të mjaftueshme sa për të fituar zgjedhjet e 22 tetorit.
Pas balotazhit LDK ishte ankuar për parregullsi me votat nga jashtë dhe Gjykata Supreme ka vendosur për përsëritjen e balotazhit.