Kryeministri i Kosovës, Ramush Haradinaj, priti në takim kryetarin e Shoqatës së malazezëve të Kosovës, Slobodan Vujiçiq.
Haradinaj vlerësoi lart marrëdhëniet e shkëlqyeshme ndërmjet shqiptarëve dhe malazezëve si dhe marrëdhëniet ndërmjet dyja shteteve, Republikës së Kosovës dhe asaj të Malit të Zi.
Haradinaj dhe kryetari i Shoqatës së malazezëve të Kosovës Vujiçiq kanë biseduar për nevojën e avancimit të marrëdhënieve ekonomike ndërmjet dyja vendeve.
Slobodan Vujiçiq ka riinicuar idenë e zbatimit të strategjisë për integrimin dhe afirmimin e malazezëve në Kosovë.
Gjithashtu u theksua nevoja për hapjen e një qendre për malazezët që jetojnë në Republikën e Kosovës.
Haradinaj i dha mbështetje afirmimit të mëtejshëm të vlerave të popullit malazez që jeton në Kosovë.
