Deputeti i Nismës Milaim Zeka ka thënë se është i vetëdijshëm për presionin që ka Shpejtim Bulliqi, por tha se në bazë të informatave që ka, ka ekzistuar një marrëveshje federative për përcaktimin e kufijve.
Zeka e ka pyetur Bulliqin nëse janë në gjendje ta përballojnë presionin mediatik dhe parlamentar. Sipas tij po që se ka shkelje nga ish komisioni a duhet të ndërhyj edhe Prokuroria dhe ndoshta ka shkelje kushtetuese.
Anëtari i komisionit, deputeti Zenun Pajaziti ka thënë se nuk duhet kuptuar si presion interesimi i mediave dhe deputetëve, sepse kjo storie duhet të mbyllet.
Ai tha se ka pritë që të prezantohen më shumë argumente nga Bulliqi që të përmbyllet kjo cështje.
“Unë nuk kam asnjë emocion për ish komisionin dhe as për ku, ne jemi të ineteresuar që të nxirett diçka shpejt dhe të përfundoj ky proces. Ne këtu dëgjuam veç për ish komisionin. Argumentet janë politike siç është Pako Ahtisari të cilat kanë sjellë pavarësinë e Kosovës. Nëse nuk keni cka me thënë për sot është dashur të shtyhet ky raportim”, shtoi Pajaziti.
