Presidenti i Kosovës Hashim Thaçi është takuar me zëvendës ndihmës Sekretarin e Shtetit, Hoyt Brian Yee.
Përmes një postimi në llogarinë e tij në Facebook, ai ka thënë se kanë biseduar për marrëdhëniet bilaterale, për rolin e SHBA-së në rajon, për prioritetet e Kosovës, ato imediate, si liberalizimi i vizave dhe dialogu e deri te ato të përhershme, si zhvillimi ekonomik dhe forcimi i sundimit të ligjit, ëprcjell Bota sot.
Thaçi thotë se me SHBA-në do të qëndrojmë përherë në miqësi.
Postimi i plotë:
Një takim shumë i përzemërt dhe bisedë përmbajtjesore me zëvendës ndihmës Sekretarin e Shtetit, Hoyt Brian Yee.
Kemi biseduar për marrëdhëniet bilaterale, për rolin e SHBA-së në rajon, për prioritetet e Kosovës, ato imediate, si liberalizimi i vizave dhe dialogu e deri te ato të përhershme, si zhvillimi ekonomik dhe forcimi i sundimit të ligjit.
Jemi mirënjohës për përkrahjen e vazhdueshme të SHBA-së në të gjithë sektorët e jetës në Kosovë.
Do të qëndrojmë në miqësi të përhershme dhe marrëdhënie speciale me SHBA-në. HTH./BS/