Kryeministri Edi Rama në konferencën e përbashkët me Ramush Haradinaj tha se do të punohet që më Kosovën të vendoset një kufi i ngjashëm me kufijtë e shteteve të Bashkimit Evropian.
“Do të shembim murin me një kufi simetrik në ngjashmëri me kufijtë e vendeve të bashkimit evropian. Natyrisht nuk do të hiqen kontrollet, por ato do të jenë aq të rralla, siç ndodh në kufijtë ë vendeve të Bashkimit Evropian”, tha Rama.
Ai më tej tha se në takimin e dy qeverive do të fokusohen në ato fusha që po krijojnë barriera në mes të vendeve.
“Nga takimi i sotëm jam shpresëplotë për një takim të domosdoshëm të dy qeverive tona. Nuk ka dyshim se hapat e ndërmarr në kuadër të rrëzimit të barrierave që vazhdojnë të pengojnë integrimin e plotë të dy shteteve tona në një proces lehtësimi të marrëdhënieve të gjitha natyrave përbejnë një premisë, por jo ende jo një platforme zgjidhjes”, shtoi Rama.