Zyrtarë të ekipit negociues serb për dialogun me palën nga Kosova në Bruksel kanë thënë se Kosova nuk është temë e kapitullit 35 për anëtarësimin e Serbisë në Bashkimin Evropian.
Shefja e këtij ekipi Tanja Mishçeviq ka thënë për mediat serbe, se Serbia në rrugën e anëtarësimit në BE nuk negocion për statusin e Kosovës.
Megjithatë, ajo thotë se qëllimi përfundimtar i kapitullit 35 është normalizimi gjithëpërfshirës i marrëdhënieve ndërmjet Prishtinës dhe Beogradit.
“Kosova nuk është temë në kapitullin 35 dhe ne në negociatat për anëtarësim në Bashkimin Evropian nuk bisedojmë për statusin e Kosovës”, ka thënë Mishçeviq.
