Zyrtari i LDK-së, Bajram Gecaj që njëherësh është këshilltari i kryeministrit Mustafa, ka shprehur ngushëllime për vdekjen e deputetit të kësaj partie, Agim Kikaj.
Përmes një postimi në llogarinë e tij në Facebook, Gecaj ka thënë se Kosova dhe LDK-ja ka humbur një luftëtar dhe aktivist të paepur për të ardhmen dhe mirën e Kosovës, përcjell Bota sot.
Poashtu ai ka njoftuar se varrimi i Kikajt bëhet në ora 17.
Postimi i plotëe:
U PREHSH NË PAQE AGIM KIKAJ
Mbrëmë u nda fizikisht nga ne Agim Kikaj, deputeti ndër më konstruktivët, aktivisti shumëvjeçar i Lidhjes Demokratike të Kosovës, patrioti dhe atdhetari i dëshmuar me kohë, njeriu i guximshëm dhe i urtë, prindi dhe familjari i respektuar. Kosova dhe Lidhja Demokratike e Kosovës humbën një luftëtar dhe aktivist të paepur për të ardhmen më të mirë të këtij vendi. I lehtë të qoftë dheu i Kosovës për të cilën punove pandashëm dhe zoti të bekoftë miku im Agim.
Varrimi i të ndjerit do të bëhet sot në ora 17:00, në fshatin Lupq i Poshtëm./BS/
