Këshilltari i Hajredin Kuçit akuza të rënda ndaj Mustafës, ja për cilat tradhti e akuzon

Aktuale

Këshilltari i Hajredin Kuçit akuza të rënda ndaj Mustafës, ja për cilat tradhti e akuzon

Nga: P.R Më: 9 maj 2017 Në ora: 19:07
Kryeministri i Kosovës, Isa Mustafa dhe Këshilltari i zv.kryeministrit Hajredin Kuçi, Lulzim Aliu

Këshilltari i zv.kryeministrit Hajredin Kuçi, Lulzim Aliu, përmes një postimi në facebook, duke komentuar zhvillimet e fundit në skenën politike në Kosovë, ka drejtuar një varg akuzash ndaj kryeministrit Isa Mustafa.

“Akademiku i pasluftës, Isa Mustafa, shumë vite më herët, ishte në krye të detyrës së Partisë Komuniste të Jugosllavisë për të mbrojtur ndryshimet kushtetuese në Jugosllavinë e atëhershme që e futën Kosovën përfundimisht nën Sërbi. Atë që s’e bënë të tjerët më parë duhet ta bëjë Kadri Veseli sot, Ta shuaj përfundimisht simbolin e fundit të komunizmit në Kosovë, dhe jo vetëm në të. Ky moment patjetër se duhet të shënohet në historinë tonë të re, për të na shfajësuar për shumë gabime që i kemi bërë duke qenë të mashtruar e të trathtuar”, ka shkruar Aliu në faqen e tij në facebook.

Image
Këshilltari i zv.kryeministrit Hajredin Kuçi, Lulzim Aliu

Lexoni të plotë postimin e Aliut:

A po shuhet simboli i fundit i komunizmit në Kosovë?!

Akademiku i pasluftës, Isa Mustafa, shumë vite më herët, ishte në krye të detyrës së Partisë Komuniste të Jugosllavisë për të mbrojtur ndryshimet kushtetuese në Jugosllavinë e atëhershme që e futën Kosovën përfundimisht nën Sërbi.

Ishte kundër Ibrahim Rugovës i cili, disa muaj më vonë, nisi betejën e gjatë për t’u mbrojtur nga pasojat e atyre ndryshimeve që akademiku i pasluftës i promovonte nëpër debatet e atëhershme publike .

Akademiku i pasluftës, para luftës ishte ministrër i Rrahman Morinës. Ishte shërbëtor i tij.

Por edhe kur e ndërroi qimen e komunistit e u bë demokrat ai s’e harroi zanatin e mësuar.

Pasi u bë ministër në egzil, ministër i Bujar Bukoshit, e trathtoi atë dhe bashkë me të edhe Rugovën.

Nuk e ndihmoi as luftën çlirimtare.

Ishte mik i ngushtë i Fatmir Sejdiut të clin në mënyrë “demokratike” e fundosi për t’ia zënë vendin e kryetarit të partisë.

U bë shërbëtor edhe i Albin Kurtit në misionin e tij për të shktërruar Kosovën. I bindej urdhërave edhe të komisarit të VV-së, Dardan Molliqajt.

I trathtoi keq edhe këta.

U bë partner edhe me Ramush Haradinajn e Fatmir Limën të cilët i akuzonte si kriminelë të luftës e të pasluftës.

Bile, tha se do ta ndërronte kushtetutën për t’i bërë fitues ata që humbën.
Por I trathtoi të gjithë këta. I trathtoi edhe shumë të tjerë.

I trathtoi që të gjithë për t’u bërë kryeministër i Kosovës.

Edhe deputetët e tij.

Gjithnjë i qetë dhe pa emocion.

Duke sharë, duke kërcënuar, duke fyer e shantazhuar , Isa Mustafa, tash edhe si akademik, veç ka hyrë në historinë e re të Kosovës.

Ai arriti të bëhet kryetar i LDK-së në vend të Ibrahim Rugovës,
Arriti të bëhet edhe kryeministër, në vend të Hashim Thaçit.
Më lart, s’besoj se kishte ku të shkonte.

Por a është ky fundi i tij?

A është fundi i politikave të tij kërcënuese e shantazhuese?
A do t’i funksionojë edhe më rrena e mashtrimi?
A do të ketë më shokë për t’i trathtuar?

A do të ketë ndonjë pozitë që ai e pretendon për ta negociuar?
A do të ketë mundësi të reja për të, për ndonjë pazar të ri?

Lutem që jo!

Atë që s’e bënë të tjerët më parë duhet ta bëjë Kadri Veseli sot,

Ta shuaj përfundimisht simbolin e fundit të komunizmit në Kosovë, dhe jo vetëm në të.

Ky moment patjetër se duhet të shënohet në historinë tonë të re, për të na shfajësuar për shumë gabime që i kemi bërë duke qenë të mashtruar e të trathtuar.

Sot mund të lexoni Shfletoni kopertinat