Musliu: Kosova nuk e ka luksin që të shkohet çdo tri vjet në zgjedhje

Aktuale

Musliu: Kosova nuk e ka luksin që të shkohet çdo tri vjet në zgjedhje

Më: 2 maj 2017 Në ora: 23:56
Deputetja e PDK-së, Ganimete Musliu

Deputetja e PDK-së, Ganimete Musliu duke folur për mundësinë e zgjedhjeve të parakohshme ka thënë se PDK ende nuk ka një qëndrim përfundimtar.

“Ka ditë që në Kosovë dominon debati për zgjedhje, si Parti Demokratike e Kosovës nuk jemi mbledhur ende, sot mund të japë një mendim më shumë personal se sa si përfaqësuese e partisë”.

“Kosova ka bërë një traditë të shkuarjes në zgjedhje të parakohshme, ose lënies në gjysmë të mandatit zgjedhor. Nuk do të ishte risi shkuarja në zgjedhje të parakohshme, por e rëndësishmë është të shihet çka pas zgjedhjeve”.

Ajo në Ballë për Ballë të emisionit Ora e Fundit ka thënë se do të preferonte që koalicioni qeverisë të përfundojë mandatin zgjedhor brenda afatit kushtetues.

“Nëse zgjedhjet do të provonin zgjidhje, pse të mos shkohet po nëse thuhet të shkojmë në zgjedhje të shpejta, mendoj se të tilla nuk i konvenojnë askujt, dhe kështu po krijohet një Qeveri shpejtë e shpejtë”.

“Unë si Ganimete Musliu jam idhtare e përfundimit të mandatit në bazë të ligjeve dhe Kushtetutës dhe mandatave zgjedhore. Konsideroj se Kosova ka nevojë për një stabilitet politik, nuk besoj që kemi luks kaq të madh por vetë fakti që nga mëngjesi në mbrëmje dominon tema e zgjedhjeve, konsideroj se tashmë është krijuar kjo klimë”.

Sipas saj, Kosova se ka luksin për zgjedhje çdo tri vjet.

“Kosova se ka luksin që të shkojë çdo tre vjet në zgjedhje, faktori kohë nuk është i favorshëm – shkuarja e zgjedhjeve merr shumë kohë, që nga shpallja e deri në përfundim”.

Musliu ka thënë poashtu se Qeveria dhe Kuvendi nuk janë në formën më të mirë.

Sot mund të lexoni Shfletoni kopertinat