Kryeministri i Kosovës, Isa Mustafa, ka thënë se kjo ishte një javë mjaftë e suksesshme.
Ai përmes një postimi në profilin e tij zyrtar në rrjetin social “Facebook”, ka përmendur sukseset që ka shënuar Kosova këtë javë.
Postimi i plotë i Mustafës:
Të dashur miq,
Po e përmbyllim një javë me mjaft suksese.
Xhudistet tona Distria Krasniqi, Nora Gjakova, Flaka Loxha dhe Loriana Kuka i sollën vendit 4 Medalje në Xhudo (2 të Arta dhe 2 të Bronzta).
Morëm vlerësime maksimale për zhvillimin ekonomik nga Banka Botërore dhe u konfirmua progresi jonë në luftën kundër korrupsionit dhe pavarësinë e gjyqësorit nga Freedom House.
Sot nderuam edhe Betejën e lavdishme të Koshares dhe heronjtë tanë, që së bashku me NATO-n, na e bënë të mundur këtë ditë.
Kosova po ecën fuqishëm përpara dhe ky progres nuk duhet t'i pengojë askujt, së paku jo atyre që e duan këtë vend më shumë se pozitat e tyre.