(E plotësuar) - Një person ka hyrë sot në mëngjes në zyrën e kryetarit të komunës së Vushtrrisë Bajram Mulaku.
Policia ka arrestuar të dyshuarin nga i cili ka konfiskuar një revole.
Rastin e konfirmoi për KosovaPress zëdhënësi i Policisë për rajonin e Mitrovicës Avni Zahiti.
“I dyshuari në gjendje të dehur kishte hyrë në objektin e Komunës, gjegjësisht në zyrën e kryetarit,. Hetuesit janë duke u marr me rastin për të sqaruar të gjitha rrethanat e veprimit të personit të dyshuar”, tha Zahiti.
Një person i armatosur hyn në zyrën e kryetarit të Vushtrrisë
Kryetari i Komunës së Vushtrrisë, Bajram Mulaku, është kanosur mëngjesin e sotëm me armë zjarri nga një person merr vesh lajmi nga burime brenda komunës.
Nehat Thaçi, shef i stacionit të Policisë në Mitrovicës, që ka konfirmuar rastin se një person i armatosur ka hyr në zyrën e kryetarit të Vushtrrisë.
“Një person me armë ka hyr në zyrën e kryetarit, është njoftuar Policia e Kosovës, qetësisht ka dal personi jashtë, i është konfiskuar arma, personi është në gjendje të dehur, aktualisht është në tretman mjekësor, më tutje do të vazhdohet me procedura”, ka thënë Nehat Thaçi shef i stacionit të Policisë së Kosovës në Mitrovicë.