Në orët e vona të mbrëmjes së sotme është arrestuar i dyshuari për vrasjen e cila ndodhi sot pasdite në qytetin e Pejës.
Lajmin për arrestimin e të dyshuarit e konfirmoi për kallxo, prokurori i rastit, Haxhi Sinanaj.
“Në bazë të kamerave e kemi identifikuar të dyshimtin dhe e kemi arrestuar. Edhe arma me të cilën është kryer vepra është konfiskuar. Tash po i nënshtrohet intervistimit”, tha Sinanaj.
Por burime të mediave bëjnë me dije se personi i dyshuar është me inicialet K.H.
Ai dyshohet se sot rreth orës 16:00 e ka vrarë Mentor Zekën banues në ligjen Fidanishte në Pejë.