Ministri i Forcës së Sigurisë së Kososovës, Haki Demolli thotë se bashkëpunimi i Kosovës me vendet e rajonit është i domosdoshëm dhe duhet të vazhdojë të praktikohet.
Demolli ka thënë se një bashkëpunim i tillë me rajonin, minimizon kërcënimet qofshin ato të brendshme apo të jashtme nga secili shtet.
Këto deklarime Ministri Demolli i dha sot në Samitin e Komisioneve të punëve të Jashtme, ku theksoi se Republika e Kosovës do të vazhdojë të punojë për sigurinë e saj të brendshme dhe se të gjitha sfidat e sigurisë në të gjitha nivelet janë përgjegjësi e Qeverisë.
”Bashkëpunimi rajonal në të gjitha fushat jo vetëm në fushën e sigurisë por në të gjitha aspektet është i rëndësishëm dhe tejet i domosdoshëm”.
”Është e domosdoshme për minimizimin e kërcënimeve të brendshme apo të jashtme për secilin prej shteteve të rajonit”.
”Kosova po shkon në drejtim të së ardhmes. Sfidat për sigurinë në të gjitha nivelet janë përgjegjësi e Qeverisë”.
”Prania e NATO-s dhe faktorët ndërkombëtar vazhdojnë të jenë faktor kryesor i paqes në vend dhe rajon”.
”Republika e Kosovës ka synim strategjik, anëtarësimin në strukturat e NATO-s dhe BE-së”.
”Kosova nuk ka pretendime territoriale ndaj asnjëri shtet fqinj”.
”Ministria e FSK-së ka një rol të rëndësishëm bashkëpunues në këtë drejtim”.
”Ministria e FSK-së i kushton rëndësi të veçantë bashkëpunimit të sigurisë në aspektin bilateral, funksional”.
”Kemi ushtrime ushtarake ndërkombëtare që mbahen në vendet e rajonit e ku pjesë e tyre janë edhe pjesëtarë të FSK-së”.
”Presim që bashkëpunimi në mes FSK-së dhe NATO-s të intensifikohet”.
”Republika e Kosovës do të vazhdojë të punojë për sigurinë e saj të brendshme dhe të jashtme”.
”Ndërtimi i forcave të armatosura do të ndihmojë vendin”.
”Forca e Armatosur e Kosovës synon të ndërtohet mbi parimet e standardeve më të larta të Aleancës Euroatlantike” ka përfunduar Demolli.