Kryeministri i vendit, Isa Mustafa, priti në takim komisionerin e Këshillit të Evropës për të Drejtat e Njeriut, Nils Muiznieks, i cili po qëndron për vizitë në Kosovë.
Gjatë takimit, është biseduar për çështje që lidhen me avancimin e të drejtave të njeriut, për lirinë e mediave dhe shumë aspekte tjera të zhvillimeve në Kosovë.
Duke e njoftuar për progresin e madh që është arritur në Kosovë në fushën e të drejtave të njeriut, kreu i ekzekutivit shprehu përkushtimin e Qeverisë së Kosovës për avancim të mëtejmë, në përputhje me standardet më të larta evropiane.
“Kosova, me përkushtimin e saj shumëvjeçar në aplikimin e standardeve dhe vlerave më të avancuara të të drejtave të njeriut, është bërë model rajonal e më gjerë në njohjen dhe zbatimin e të drejtave të njeriut”, tha ai, duke shprehur edhe angazhimin e Kosovës për të qenë pjesë e Këshillit të Evropës.
