Presidenti Hashim Thaçi, ka bërë homazhe tek varri i ish-aktivistit të Lidhjes Demokratike të Kosovës Haki Imerit, në Turiqec të Skënderajt.
Pas homazheve, Thaçi po merr pjesë edhe në një akademi përkujtimore kushtuar ish-aktivistit Imeri, që po mbahet në shkollën e këtij fshati.
Imeri ishte vrarë më 2 nëntor të vitit 1999, në rrethana të pasqaruara dhe për këtë çështja familja e tij e kishin akuzuar disa herë Thaçin, se ai ishte i informuar se kush e ka vra familjarin e tyre.
Por sot vëllau i tij, Imer Imeri, ka thënë se është i bindur se Thaçi nuk di asgjë rreth vrasjes së ish-aktivistit të LDK-së.
“Jam i bindur se Hashim Thaçi nuk është në dijeni se kush e ka vrarë vëllaun tim, pasi gjatë një komunikimi më të, ai është i shprehur i gatshëm se edhe në forma kanunore të zotohet se nuk di gjë për vrasjen e Haki Imerit”.
Këto komente Imeri i ka bërë në akademinë përkujtimore që po mbahet nën patornatin e Presidentit Hashim Thaçi.
Vëllua i Haki Imerit kanë thënë se presin që këtë çështje ta zgjidh Gjykata Speciale.