Ndalja e trenit, vetëm pesë persona e dinin për aksionin e policisë

Aktuale

Ndalja e trenit, vetëm pesë persona e dinin për aksionin e policisë

Më: 17 janar 2017 Në ora: 23:38
Kabineti Qeveritar

Shefi i Kabinetit dhe këshilltar për ekonomi i Kryeministrit Isa Mustafa, Sokol Havolli lidhur me temën tha se kryeministri Isa Mustafa gjatë gjithë javës ka pas komunikim të vazhdueshëm dhe njoftim të vazhdueshëm edhe të partnerëve ndërkombëtar dhe të faktorit ndërkombëtar në Kosovë lidhur me hapat që do të ndërmerren në rast të tentativës së hyrjes së trenit ashtu siç është paralajmëruar.

Havolli tha se paralajmërimet e Kryeministrit ndaj partnerëve tanë kanë qenë të vazhdueshme se nuk do të lejohet të hyjë një tren i tillë edhe nuk do të lejohet të realizohet një provokim i tillë.

Havolli ka thënë se kritikat që iu bënë Qeverisë kinse për vendime të vonshme, nuk janë të sakta.

“Nuk mund të ndahen informacione sensitive me publikun. Nuk kanë mundur ta dinë më shumë se persona për këtë aksion në gjithë shtetin”, ka deklaruar ai.

Ai tha se dihet botërisht se qëllimi i atij treni nuk ka qenë transportimi i ndonjë udhëtari po të bëhet një provokim tipik nacionalist i shekujve të kaluar i një mentaliteti të kaluar i një menataliteti luftënxitës të cilin Kosova nuk e përkrahë dhe nuk e kultivon atë mentalitet. 

Sot mund të lexoni Shfletoni kopertinat