Në një intervistë për gazetën “Bota Sot”, deputeti i LDK –së, Anton Quni, ka folur për situatën aktuale politike, për çështjet që kanë prodhuar krizë politike, apo dhe për të ashtuquajturat skandale, siç është afera “Pronto 2” e të tjera. Më i ashpër Quni, është treguar rreth çështjes, se sa është luftuar krimi dhe korrupsioni në Kosovë.
Po ashtu, Quni ka folur edhe për sfidën më të madhe që ë ka kaluar në jetë.
“Lufta. Të qenurit përgjegjës për njerëzit gjatë luftës është sfida më e madhe që e kam përjetuar. Lufta të sfidon në karakter, edukatë, moral, besim, etj. Përballja me vdekjen është momenti kur e kupton natyrën tënde të brendshme. Është momenti kur e kupton se sa vlen jeta njerëzore!”, ka thënë Quni.