Kryeministri i Republikës së Kosovës, Isa Mustafa, përmes një postimi në faqen e tij në facebook ka shkruar se muri që është duke u ndërtuar në pjesën veriore të Mitrovicës është vepër e ndyrë e strukturave paralele serbe dhe e Beogradit.
“Muri në pjesën veriore të Mitrovicës, një vepër e ndyrë e strukturave paralele serbe dhe e Beogradit, po shfrytëzohet edhe për krekosje politike nga disa këndes. Gjelat nuk e rrënojnë murin, ata këndojnë mbi mur. Murin e trajton dhe e rrënon ligji”, ka shkruar Mustafa, përcjellë “Bota sot”.
