Për njohësin e çështjeve të sigurisë Fadil Kajtazi, ndërtimi i murit ndarës në Mitrovicë është dëshmia e mendësisë primitive serbe e cila ushqehet nga Kisha Ortodokse Serbe dhe politika.
“ISIS, politika dhe Kisha Ortodokse Serbe fosile të primitivizmit në shekullin XXI.Fosilet e fundit të primitivizmit në botën e shekullit XXI pa dyshim janë elitat politike serbe, kisha Ortodokse Serbe dhe ISIS. Ndërtimi i murit ndarës në Mitrovicë është dëshmia e mendësisë primitive serbe e cila ushqehet nga Kisha Ortodokse Serbe dhe politika. Kjo mendësi është e rrezikshme, ajo prodhon shovenizëm i cilli është hallka zingjirore që mbanë të lidhura veprimet ekstremiste dhe terrorizmin”, ka shkruar Kajtazi në profilin e tij në Facebook.
Më tej, ai ka vlerësuar se në botën e sotme ISIS, Politika dhe Kisha Ortodokse Serbe janë rrezik për Kosovën, përcjellë "Bota sot".
“Bota e civilizuar duhet të mobilizohet për t'u përballur me veprimet agresive që prodhojnë mendësitë primitive. Në historinë e njerëzimit shumë civilizime, popuj dhe shtete janë zhdukur nga popuj me mendësi primitive, nga se nuk kanë trajtuar si duhet kërcënimin nga ta. Në botën e sotme ISIS, Politika dhe Kisha Ortodokse Serbe janë rrezik. Fatkeqësisht shqiptarët atakohen nga këto mbeturina me mendësi mesjetare. Rrezikun duhet evituar me mjete të përshtatshme!”, ka përfunduar ai.