Forcat speciale të ushtrisë shqiptare kanë bërë një stërvitje demostrative sot me rastin e 18-vjetorit të krijimit të tyre.
Në këtë demostrim force të kësaj brigate elitare të FA-së, ministrja Mimi Kodheli ka postuar këtë status në profilin e saj në Facebook, si dhe një fotogaleri nga ky aktivitet.
“Forcat e Armatosura të Shqipërisë festojnë sot krijimin e një ndër strukturave më të reja të saj, por pa as më të voglin dyshim, një nga më elitaret.
Nuk mund të mos ndihesh krenare kur kthen kokën pas dhe shikon se çfarë kanë arritur #ForcatSpeciale shqiptare në këto 18 vite të ekzistencës së tyre.
Që nga patrullimi i kufirit shqiptar gjatë Luftës në #Kosovë, në #Afganistan, I#rak, #Çad e deri te operacionet e përbashkëta me Policinë e Shtetit.
Është dita të kujtojmë edhe dëshmorin e atdheut kapiten #FetiVogli. Por është edhe dita të shprehim mbështetjen për Forcat Speciale që shumë shpejt do të përfaqësojnë Shqipërinë në misionet e NATO-s”.
