Deputeti nga radhët e Lëvizjes Vetëvendosje, Albin Kurti ka prezantuar rezolutën e propozuar nga Lëvizja Vetëvendosje për lirimin e drejtorit të Policisë për rajonin Mitrovicës, Nehat Thaçin.
Ai ka thënë se në rezolutën e Vetëvendosjes thuhet se Kuvendi kërkon lirimin e menjëhershëm të nënkolonelit Thaçi dhe kërkon që të ndërpriten bisedimet me Serbinë deri në lirimin e Thaçit dhe zhvlerësimin e gjitha aktakuzave të ngritura nga Serbia për ushtarët e UÇK-së.
Ai tha se në seancën e sotme në epiqendër të jetë vetëm drejtori i Policisë dhe të paraqesim kërkesa serioze.
“Gjithçka më pak se këto dy kërkesa nënkupton asgjë. Më pak se kaq është e papranueshme”, tha Kurti.