Prokuroria Speciale zgjeron hetimet për përgjimet, përveç Adem Grabovcit do të hetohen edhe këta persona

Aktuale

Prokuroria Speciale zgjeron hetimet për përgjimet, përveç Adem Grabovcit do të hetohen edhe këta persona

Më: 4 tetor 2016 Në ora: 14:34
Adem Grabovci

Prokuroria Speciale e Republikës së Kosovës, sot ka marrë aktvendim për zgjerimin e hetimit në rastin e përgjimeve, i cili fillimisht është iniciuar kundër të pandehurit A.G. deputet dhe kryetar i grupit parlamentarë të Partisë Demokratike të Kosovës.

Hetimet janë zgjeruar edhe kundër shtatë zyrtarëve të tjerë: A.P. ish- Shefe e Njësisë për furnizim në Departamentin e farmacisë në Ministrinë e Shëndetësisë, I.G. ish- sekretar i përgjithshëm në Ministrinë e Punëve të Brendshme, B.B. ish- ministër në Ministrinë për Zhvillim Ekonomik, N.K. ish - Kryesues i Kuvendit në Komunën e Prizrenit Z.P. deputet në Parlamentin e Republikën e Kosovës, F.Sh. ish - zëvendës ministër në Ministrinë e Punës dhe Mirëqenies Sociale, dhe S.G ish - Këshilltar politik në Ministrinë e Punëve të Brendshme.

Të gjithë të pandehurit dyshohen për kryerjen e dy veprave penale: Keqpërdorimi i pozitës apo autoritetit zyrtar nga neni 422 të KPRK dhe Shkelja e statusit të barabartë të shtetasve dhe banorëve të Republikës së Kosovës nga neni 193 paragrafi 4 lidhur me paragrafin 1 të KPRK-së.

Sot mund të lexoni Shfletoni kopertinat