Kryesuesi i delegacionit për kartonin e gjelbër Rrahim Pacolli ka reaguar lidhur me arrestimin e nënkolonel Nehat Thaci. “Qeveria e Kosovës si dhe faktori ndërkombëtar duhet të marr masa dhe të bëjë presion mbi shtetin serb për lirimin e menjëhershëm të nënkolonel Thaçit, ka thënë mes tjerave Pacolli.
Reagimi i plotë
Arrestimi i nënkolonel Nehat Thaçi është një tendencë perfide e palës serbe e cila në vazhdimësi tenton që me anë veprimeve të tilla ta rimarr kontrollin e plotë në veri të vendit duke pas parasysh se që nga ardhja e nënkolonel Thaçit në krye të Drejtorisë Rajonale të Policisë së Kosovës në Mitrovicë dukurit negative si krimi, kontrabanda e shumë dukuri të tjera negative kanë shënuar rënie në atë zonë. Qeveria e Kosovës si dhe faktori ndërkombëtar duhet të marr masa dhe të bëjë presion mbi shtetin serb për lirimin e menjëhershëm të nënkolonel Thaçit.
