Policia e Kosovës ka ndaluar mbrëmë veturën ku ndodhej Drejtori i Zyrës për Kosovën në Qeverinë e Serbisë, Marko Gjuriq të cilit i kishin kërkuar të largohej nga Kosova.
Gjatë ndalimit të tij, mediat serbe njoftojnë se aty ishin edhe zëvendëskryeministrit i Kosovës Branimir Stojanoviq, kreu i Graçanicës, Vladeta Kostiq si dhe më pas kishin arritur edhe Dejan Paviçeviq, oficer ndërlidhës i Beogradit me Prishtinën dhe zëvendës drejtor i Zyrës për Kosovë Dushan Kozarev.
Siç raporton Radio Kim pas ndaljes së veturës së emisarit të Beogradit për Kosovë me rastin e pjesëmarrjes së tij në kremtimin e “Ditës së Komunës së Graçanicës” ishin tubuar edhe qytetarë të shumë serbë që kanë brohoritur “Serbia”, Serbia”, ku më pas edhe Gjuriq kishte dalë nga vetura e tij për t`i përshëndetur ata.
Ndërkohë,e ashtuquajtura Zyra serbe për Kosovën tha se policia ndaloi kreun e kësaj zyre me pretendimin se kishte thyer protokollin e vizitave me të cilin ishte planifikuar të largohej nga Kosova gjatë ditës së djeshme para mesditës.
Megjithatë, bashkëpunëtorët e Gjuriqit pretendojnë se i njëjti protokoll parashikonte se ai mund të qëndronte në Kosovë deri mëngjesin e së enjtjes.
