Rugovasit kanë marrë përsipër sulmin që ka ndodhur mbrëmë tek shtëpia e drejtorit të Radio Televizionit të Kosovës.
Sipas tyre, ky sulm ishte vetëm paralajmërim ndërsa kanë thënë se nëse Shala nuk jep dorëheqja nga RTK, jeta e tij është në rrezik.
“Ai njeri e ka ba RTK-në televizion që ia man anën veq Qeverisë. Ai nuk po e qet opozitën veq pse po flet kundra demarkacionit. Sidomos Vetëvendosjen ku ia ka ndalu edhe intervistën që ka pas me majt”, thuhet në reagimin e tyre.
Rugovasit i kanë bërë thirrje Qeverisë që t’i marrë seriozisht dhe mos ta bëjë Demarkacionin me Malin e Zi para se me pas viktima.
Rugovasit e kanë marrë përgjegjësinë edhe për sulmin ndaj Kuvendit të Kosovës ashtu si edhe sulmin e para një jave tek objekti i RTK-së.