Kryeministri Isa Mustafa ka pritur në takim zëvendëspresidentin amerikan, Joe Biden.
Mustafa tha se ata bashkë patën një takim shumë të frytshëm bilateral.
Ky është postimi i plotë i Mustafës në llogarinë e tij në Facebook.
Pata nderin e veçantë të pres sot Zëvendës Presidentin Amerikan, mikun e madh të Republikës së Kosovës, Joe Biden. Pasi i urova Zëvendës Presidentit Biden mirëseardhje në Kuvendin e Kosovës, zhvilluam një takim shumë të frytshëm bilateral.
Jam thellësisht i bindur se kjo vizitë do të ketë ndikim pozitiv në fuqizimin e mëtejshëm të miqësisë dhe të partneritetit strategjik ndërmjet Kosovës dhe SHBA-së. Zoti i bekoftë Kosovën dhe Shtetet e Bashkuara të Amerikës!