?Me rastin e 12 gushtit, Ditës Ndërkombëtare të Rinisë, sektori i rinisë i komunës së Prishtinës organizoi një aktivitet në sheshin “Zahir Pajaziti”.
Drejtori i Drejtorisë për Kulturë dhe Rini, në Komunë të Prishtinës, Besart Vllahinja theksoi se qëllimi i këtij organizimi është edhe mundësia e shprehjes së talentit nga të rinjtë.
Sipas tij, performanca e klubit me lojën ‘Parkour Shoë’ është një aktivitet që është mbështetur nga Komuna e Prishtinës për ditën e sotme.
Këtë aktivitet për nder të Ditës Ndërkombëtare të Rinisë po e mbështet edhe Ministria e Kulturës.
Sipas përfaqësuesve të kësaj ministrie, kjo ditë ka rëndësi të madhe për mbarë rininë e botës, po ashtu edhe për rininë kosovare.
Të rinjtë kosovarë janë të prirur për talente të ndryshme, e po ashtu edhe për Parkour shoë.
Gjatë kësaj dite do të ketë edhe aktivitete të tjera në sheshin “Skënderbeu” në Prishtinë.