Njohësi i çështjeve të sigurisë Burim Ramdani ka folur për tragjedinë e Nice, ku nga një sulm terrorist mbetën të vdekur 84 persona dhe dhjetëra të lënduar.
“Përveç që është shkuese e tronditëse dhe barbare është një prej shqetësimeve më të mëdha të sigurisë si në rajonin tonë po ashtu edhe në rajone të tjera”.
Përdorimi i mjeteve të tjera, siç është rasti me kamion, është një sfide jashtëzakonisht e madhe për sigurinë, në raste të tilla sistemi i sigurisë mund të dalë jashtë mundësisë së ndaljes së një akti të tillë.
“Kur terroristët përdorin mjete krejtësisht legale, në aspektin e sigurisë është një hap tutje”.
“Ndërsa aspekti i dytë është që pjesëtarë të ISIS nuk duhet të llogariten vetëm ata në territorin aktual, mirëpo edhe ata me prejardhje apo qe vetëm kanë lindur në këto territore, e jetojnë dhe veprojnë dikund tjetër”.
“Së pari mesazhi qe ISIS po jep përmes goditjeve në Francë dhe Belgjike është jashtëzakonisht tronditës, këtu po sulmohet djepi i civilizimit”.
“Dhe elementi i dytë është se Franca dhe Belgjika ka komunitete totalisht të paintegruara në shtetet e tyre, dhe shërbimet e inteligjencës dhe të sigurisë kanë probleme që të kyçen e të marrin informacione tek komunitetet e paintegruara”.