Analisti Blerim Vela ka bërë të ditur se deri tani, dhe jo zyrtarisht Nisma është mbi prag për 0.0125% (rreth 100 vota).
Ndërsa, sipas tij, me llogaritjen e votave nga Serbia është poshtë pragut për rreth 50 vota.
“Nisma: 4.97% (të rregullta) + 6.91% (të diasporës) + 5.5% (me kusht dhe NV) + 4.10% (diaspora pas 5 tetorit). Për momentin dhe jo zyrtarisht Nisma është mbi prag për 0.0125% (rreth 100 vota). Me llogaritjen e votave nga Serbia është poshtë pragut për rreth 50 vota”, shkruan Vela në Facebook.
Ndërkaq, në Qendrën e Numërimit dhe Rezultateve, para pak çasteve ka përfunduar procesi i numërimit të fletëvotimeve të ardhura nga diaspora. Gjithsej janë numëruar rreth 4451 vota, ku partia fituese e zgjedhjeve, Lëvizja Vetëvendosje, ka dalur e para.