Ministria e Punëve të Jashtme e Republikës së Kosovës (MPJ) organizon konferencë për media në të cilën do të hapë solemnisht kryesimin e Republikës së Kosovës në Procesin e Bashkëpunimit të Evropës Juglindore (SEECP).
MPJ njëherit para ambasadorëve të shteteve mike do t’i prezantoj prioritetet e Republikës së Kosovës gjatë këtij kryesimi.
Vendet anëtarë të SEECP janë Kosova, Shqipëria, Bosnje dhe Hercegovina, Turqia, Maqedonia e Veriut, Kroacia, Mali i Zi, Serbia, Sllovenia, Bullgaria, Greqia, Moldavia dhe Rumania.
Kryesimi i SEECP është njëvjeçar dhe kryesinë e radhës e ushtron Kosova, duke filluar nga muaji korrik.
Kosova këtë vit ka edhe kryesimin me Fondin e Ballkanit Perëndimor (WBF) dhe me Iniciativën Rajonale të Migracionit, Azilit dhe Refugjatëve (MARRI).
