Pas publikimit të videoincizimeve ku nga dy të dyshuar që janë marrë me fajde, përmendet edhe kryetari i Kuvendit, Kadri Veseli, ka reaguar deputetja e Lëvizjes Vetëvendosje, Albulena Haxhiu.
Përmes një postimi në llogarinë e saj në Facebook, ajo ka pyetur se si është e mundur që videot janë në prokurori që nga viti 2013 dhe që Kadri Veseli të mos jetë intervistuar nga Prokuroria të paktën si dëshmitar, përcjell Bota sot.
“Shteti i kapur ndryshe nuk është”, ka shkruar Haxhiu.
Postimi i plotë i Haxhiut:
Sipas medieve thuhet se Prokuroria që nga viti 2013 i ka pasur në dispozicion videot e transmetuara këto ditë në KTV. Si është e mundur që asnjëherë nuk e kanë intervistuar Kadri Veselin të paktën si dëshmitar nëse jo si të dyshuar?!
Pra janë në pyetje 6 vite mosveprim të prokurorisë!
Shteti i kapur ndryshe nuk është.
Mobilizim, angazhim, qytetari aktive deri në largimin e tyre nga pushteti!
