Ish-Ministri i Jashtëm Ditmir Bushati i ftuar në "Tempora", komentoi edhe pozicionimin pro tij të Vetëvendosjes së Albin Kurtit.
Bushati: Në lidhje me Albin Kurtin ai është një personalitet në Kosovë por edhe botën shqiptare. Disa prej ideve të tij i kam çmuar dhe i çmoj siç ka çështje që kemi qëndrime të ndryshme.
Me të gjithë përfaqësuesit e politikës në Kosovë dhe përfaqësuesit e shoqërisë civile kam pasur një raport të hapur dhe bashkëpunim shumë të mirë pavarësisht pikëpamjeve të ndryshme në tema të ndryshme. Nuk e kam parë Kosovën si një shtet klasik që dallimet do të duhet të përcaktonin dhe raportet institucionale dhe njerëzore që në disa raste janë vendimtare.
