Parlamenti i Egjiptit ka miratuar një projektligj të qeverisë për të futur dënimin me vdekje në rast përdorimi të materialeve eksplozive në aktet terroriste, njofton televizioni shtetëror.
“Kushdo që posedon, importon ose përgatit bomba apo materiale shpërthyese, do të dënohet me 25 vite burg ose me vdekje nëse bombat dhe eksplozivët që do të përdoren për krime që lidhen me terrorizmin”, sipas një dispozite të ndryshuar.
Kodi Penal egjiptian parashikon dënimin me burg për këdo që nuk do të kryejë raportimin e personave tek aututoritetet përkatëse, të cilët kanë sigurar eksplozivë në mënyrë të paligjshme.
Megjithatë, parlamenti hodhi poshtë një amendament të qeverisë që do të përjashtonte nga burgosja bashkëshorten, bashkëshortin apo ndonjë anëtar tjetër të familjes si të dyshuar, edhe nëse ata kishin njohuri paraprake për krimet dhe nuk i kishin njoftuar autoritetet.
